بسم الله الرحمن الرحيم
كيف تستخدمين الخطوات السبعة لإخضاع حبيبك أو زوجك ؟
طبعا العملية نفسيه و سهلة جداً طبعاً في شرح لكل خطوة و
على مسؤوليتي طبيقها و ما عليك, بس هي تتطلب:
1- قوة شخصية .
2- تحكم في النفس.
3- صبر و هذا أهم شي.
مثل ما قلت أول إن الموضوع يتطلب فهم مضبوط
للخطوات و كمان مو شرط تفهمين نفسية الرجل لان كلهم سوا يعني مهما تحاولين تكتشفين
, افهمي انك أنتي أساس شخصيتة أو تكوينات شخصيته؛ لان الرجل في الأساس ربته أمه
المهم ما نبغى ندخل في التفاصيل ذي كلها.
طبعاً عملية الإخضاع تحتاج موقف ’ موقف يكون الرجل فيه هو الحلقة الأضعف من ابسط المواقف
اللي هو ليش ما رد على الجوال إلى أكبرها خيانته.
لما
يتوفر الموقف ابدي الخطوات لإخضاعه:-
1- لا تكلمينه و لا تحاولين تجادلينه و ضروري تكون نظراتك مركزه
على عيونه, و حاولي انك ترددين في راسك ليش سويت كذا؟ ,حتى لو كان الموضوع تافه
جداً, تذكري أنها عملية إخضاع يعني أنتي اللي بتربحين, بالنسبة لو كانت مكالمة جوال
لا تتكلمين نهائياً حتى لا تهمسين و لا بهمسة ,و إذا حب يتأكد انك على الخط لا
تردين بسرعة و كمان تكون نبرة صوتك اللي واثقة و على طبيعتك يعني لا فرحانة أو
زعلانه ( لأنه في هذي الحالة بينصدم راح يكون متوقع فليم و صراخ و ليش
و كيف ).
2- ممكن تستمرين على هذا الوضع ليوم يومين و لان الشاب العربي
مبلد , ممكن تصير ثلاث أيام عشان بس يستوعب انك متغيره هنا نجي للمرحلة الثانية
... كيف تعرفين انه استوعب انك غير؟!, لما يقولك بصوت حنون كيفك؟ أش إخبارك؟ أو
كيف حالك اليوم؟ ,و لو كنتي زوجه وش سويتي اليوم؟.
هنا بس يجي ردك الفاجع بالنسبة له (ولاشى), بكل برود و هدوء و ثقة أو اكتفي بالحمدلله و عامليه كأنه
ما سالك أي سوال و افتحي أي موضوع, و يكون بالمختصر المفيد و برا الموضوع و طلعيه أهبل
و غبي مثل: ( يا ربي في أي سنه توفى نيوتن و بعدين حطمه و قولي صح انه ما
عندك خلفية عن الموضوع , و تكون النبرة مستهزئة ,أو مثال ثاني عندي بنطلون لونه
اسود ايش البس عليه و توه بيفتح فمه بيتكلم قولي صح نسيت لبسك ما يعجبني ,,,الخ و
بعدها قفلي استاذني بأدب و قفلي الجوال لأنه هنا ولع أو بتجلس السالفة في قلبه .
3- هنا المرحلة الثالثة تحتاج صبر و هي انك لا تفكرين تتصلين
عليه أو ترسلين شي خاص عليه و بالنسبة للمتزوجة قومي بواجباتك بسكات حتى لو تبين
طلبات اكتبيها في ورقه و حطيها جنبه كأنك مو موجودة ,, بعد كذا بيجي هو يبرر موقفه و يدخل من موضوع إلى
موضوع و من سالفة إلى سالفة و بيتكلم و لا تخافين حتى لو كان كلامه ملخبط لأنك هنا
انجزتني و صلتي للمرحلة اللي أنتي اخضعته بس لازم تضبطين عملية الإخضاع عشان ما
ينتكس
.
4- في ذي المرحلة اللي هي يتكون مرتبطة بالمرحلة اللي قبلها و
هي خليه يسترسل في كلامه و يسترسل و يدخل في موضوع و يطلع من موضوع ,و سوي انك
منتبه له عاد أنتي هزي راسك و بس مثل الهنود ,و ياليت بس يكون التسليك عالي الدقة
بتقنية
HD يعني طالعي أذنه و فمه و خشمه بس مو بنظرات ذبلانه و مياعه إلا
اسندي ظهرك و ياليت رجل على رجل و تفرجي فيه ,و لما يخلص قولي أسفه إذا أخذت من
وقتك كثير هنا! كأنك صدمتيه بقطار كأنك أنتي اللي كنتي تتكلمين من أول مو هو ,
بالنسبة اللي في جوال سوي مثل كذا بس صوتك يكون بنبرة واثقة .
5- هنا دور التطنيش ,و كمان بس اسحبي عليه سحبه انيقه يعني المتزوجة
اكشخي و البسي و استعرضي قدامه بس بدون أي احتكاك يعني إغراء كامل بس مو له ,و إذا
حاول يقرب منك قولي له سمعت عن جريمة أو تكلمي شفت موقف غريب يعني موضوع بعيد عن
الرومانسية و يفضل يكون سالفة وحدة جرجرت
زوجها في المحاكم عشان تطلق ,بالنسبة للمكالمة ما تقدرين تسوين كذا بس أنتي وضعك أحسن
لما تسمعين مثلاً احد يتكلم عنده اسأليه مين و لو كان الصوت صوت بنت قولي كلمة
وحده ( صوته ما شاء الله حلو) .. و ادخلي في مواضيع تافه .
6- المرحلة ما قبل الاخيره لما يجي يتكلم في أي شي رومانسي
اسمعي عادي من حقنا نسمع كلام حلو و انبسطي بس بينك و بين نفسك ,و مع هذا كله لا
تعطينه وجه إلا في حاله وحده لما يقولك وش تبغين ؟ ,كذا قولي له أبي منك كل خير و
كذا ما أبي اطلب منك اكثر من اللازم أبيك تحترمني و تحبني و بس لان خير الكلام ما
قل و دل.
7- المرحلة الأخيرة راح يبدأ حركات الاستعطاف ,و يعني حزني علي
,و إني أنا المسكين كذا أنتي ضبطي وضعك لأنه من جد صار مسكين و راح فيها و عرف انك
أنتي من جد قوية , هو بيجيك متغير و أنتي بتلاحظين هذا الشي , كذا أنتي ثبتي
الحالة يعني صار بالعربي خاتم بأصبعك , روحي قولي له انك تحبينه و تموتين
عليه . و لاتكثرين كلام لأنه لما تقولين عمري و حياتي و ما استغني عنك و أنت رجالي
و من الكلام هذا كله راح يخرب الموضوع و ترجعين له ثقته بنفسه و تنقلب الأدوار .
مع تحياتي اتمنى ان الموضوع اعجبكم و نال استحسانكم ,,
ليست هناك تعليقات:
إرسال تعليق