كيف تفشلين ثقيلات الدم ؟

كيف تفشلين ثقيلات الدم ؟,, 


     اقصد البنات الجميلات, الناعمات ,اللي عيال العيلة يتضاربون عليها , اللي انخطبت مليون مره ,و الرجال يخقون عليها ,المعروفة اللي الكل يستشيرها ,المودبة, دلوعة ماما و بابا, واللي الكل يهزاها, و قلبها طيب ,و ما تزعل احد ,اللي عمرها 20 و لها 9 سنوات تحب واحد, الذوق, اللي سيارة خويها اخرموديل , اللي اهله تجار ولد العز ولد النعمة , اللي اهدها كل الاغاني ,اللي ما تقدر تطلع معه و كل عيد ميلاد و حب يحتفلون مع بعض ام نقاب فيه روج ,, الخ .

المهم .. 

     حبيبتي المزه المودبه الخلوقة اللي كليتي راس خواتك و اقرب صديقاتك , بفلانه اللي دايم كذا و انتي ساكته كانها تصرف عليك , 

الطريقة هي : 

• اول ما تشوفينها وقفي و خليك مودبه مثل العاده و بوسيها و لما تعطيك الخد الثاني اسحبي و كان مالها خد.

• لما الشيخه تبي تدور عاد وحده و تلوقط بعيونها في المجلس و تبي تفك موضوع قولي لهاا : ايوه وش اخبارك ؟ و اذا جات ترد قولي لها ادري انك طيبه علميني بسالفه و عاد انتي هنا تذكري سالفه قديمه و خليها تحكيها .(عاد النوعية ذي كلن ينهبل عليهم و جميلات و خقه وألخ..خلنا نتونس عليهم بس )

• اللحين هنا و هي منسجمة في السالفه وقفي و قولي لها يا شيخه مو سالفتك ذي قديمه و كنك بهرتي شوي في السالفه و روحي و خليها تولع شوي و ارجعي لها و قولي ما في جديد ؟, لما تبدا تجاوب حطي عينك على وحده من البنات و ركزي و ابتسمي و يا ليت تكون وحده تسولف مع صديقتها عشان الخطوه الجاية هي  اللي ترفع الضغط .

• و هي متحمسه في الجديد طبعاً , قولي لها يختي ذا البنت مزه و شفتي مواصفات ثقيلة الدم اللي قدامك حطيها كلها فيها مع كذا شوية اضافات عشان ترفعين ضغطها المريضه , وخليها هنا عاد تقول مثلي بس هنا طلعي كل اللي في قلبك و قولي لها .

• لا انتي مو كذا , من جدك و الا تمزحين , لا يا شيخه انتي مو كذا , و عطيها من الساخن و قولي لها : يا شيخه البنت صاروخ و كذا و جسمها يهبل , انتي سمينه مره شوي , و كذا , و هي عاد مسكينه متحمسة باقناعك ان هذي مواصفاتها عاد عطيها اخر كلمة تختمين فيها قربك منها بالختم الاحمر قولي لها : (مثلاً)يا شيخه انقلعي عني و قومي عنها , او انتي تقارنين نفسك في ذي و اقلبي وجهك , او عطيها من النظرة اللي من تحت لفوق و امشي ( في ذي الحركة انتبهي تكون بويه عشان ما تروحين فيها ) . 

- ملاحظات : 

1. الطريقة ذي يفضل انها تكون في مجلس ملغم بنات .
2. يفضل تكوني رايقه و مبتسمه طول الوقت, عشان ما يقولون فصلتي عليها و من اول زعلانه و حطيتي حرتك فيها , و تطلع المظلومه و تصير صفة زايده في السيرة الذاتية حقتها .
3. البنت اللي بتقارنينها فيها يفضل انها تكون وحده تعرفينها و متفقين, لان النوعية ذي اجتماعية و تحب القيل و القال، تخافين تروح تتعرف على البنت وتقولها انتي مثلي و تزعلين صاحبتك من لانك شبهتيها في مجموعة انسان (ثقيلة الدم) .
4. التفاعلات الحركية في المواضيع الوقفة تكون موزونه و الجلسة و متى تقاطعينها , يعني ما تقاطعينها اول ما تفك الموضوع خليها تسترسل و بعدين سوي فيها الواجب ..
5. انا افضل لما تجين تفشلينها تخلينها تقول كل السواليف حقتها , لان دايم مواضيعهم تكون فيها حمااس كذا .
6. اذا حبيتي ترجعين لها يعني ترجعين الصداقة , جيبي لها سطل ايسكريم من باسكن عاد صديقتك و انتي اخبر بالنكهة اللي تحبها .( الايس كريم :لفت خبراء التغذية إلى أن للآيس كريم فوائد كثيرة، أهمها أنه يساعد على تقوية العظام، وحرق الدهون، وتخفيض ضغط الدم العالي، وزيادة النشاط العام للجسم، كما أثبت فعاليته في مكافحة سرطان القولون، إلى جانب دوره في تحسين المزاج).